மிகப் பெரிய குழந்தைப் பாலியல் தளம் முடக்கம்! நிறுவனர் சிக்கினார்!

20 October 2019 தொழில்நுட்பம்
deepweb.jpg

குழந்தைகளை வைத்து, பாலியல் வலைதளம் நடத்தி வந்தரை சிறையில் அடைத்து உள்ளனர்.

இணையத்திற்கு பல முகங்கள் உண்டு. அவைகளில் ஒன்று தான், மாய வலை எனப்படும் டார்க் வெப். இந்தப் பக்கத்தில், பல லட்சம் சட்டவிரோதமான இணையதளங்கள் இயங்கி வருகின்றன. அவைகள் பலவற்றில், உடல் உறுப்பு விற்பனை, பெண்கள் விற்பனை, பாலியல் தொழில், பெண்களின் இரகசிய வீடியோக்கள், பெண் குழந்தைகளின் செக்ஸ் வீடியோக்கள், ஆயுத விற்பனை, போதைப் பொருட்கள் விற்பனை உள்ளிட்ட பல சட்ட விரோதமான செயல்கள் நடைபெற்று வருகின்றன.

இந்த வலைதளங்களில் வெல்கம் டூ தி வீடியோ என்ற வலைதளம் மிகவும் பிரபலமானது. அதில் பெண் குழந்தைகள் மற்றும் சிறுமிகளின் ஆபாச வீடியோக்கள் உள்ளன. சுமார் 2,00,000 வீடியோக்கள் இருக்கின்றன. அவைகள் 8 டிபி (டெரா பைட்) அளவுள்ளவை. இந்த இணையதளம், கடந்த 2015 முதல் பயன்பாட்டில் இருந்து வந்துள்ளது.

இதில் யார் வேண்டும் என்றாலும், வீடியோக்களை பதிவேற்றம் செய்யலாம். அதற்குப் புள்ளிகள் வழங்கப்படும். மேலும், வருட சந்தா, மாத சந்தா டவுன்லோட் செய்யக் கட்டணம் என, பல வசதிகளும் உள்ளன. இந்த இணையதளத்தில் முழுவதும் பிட்காயின் மட்டுமேப் பயன்படுத்தப்படுவதால், யார் பயன்படுத்துகின்றார்கள் என்பதைக் கண்டுபிடிக்க முடியாது.

இருப்பினும், அமெரிக்காவின் எப்பிஐயைப் பற்றித் தெரியாதா என்ன? காற்றுப் போகாத இடத்திலும், இந்த எப்பிஐ நுழைந்துவிடும். அந்த வகையில், தற்பொழுது தென் கொரியாவினைச் சேர்ந்த ஒருவரை கைது செய்ய நடவடிக்கை எடுத்துள்ளது. இதன் விளைவாக, அந்த நபரை தென் கொரிய அரசாங்கம் கைது செய்துள்ளது. கடந்த புதன் கிழமை வரை, சுமார் 7300 பிட்காயின்கள் அதாவது 7,30,000 அமெரிக்க டாலர்கள் அளவிற்கு அந்த இணையதளத்தில் பணப்பரிமாற்றம் நடந்துள்ளதையும் கண்டுபிடித்துள்ளனர்.

இந்த இணையதளத்தினை, தனி நபர் ஒருவர் உருவாக்கி உள்ளார். அதனை கைப்பற்றிய போலீசார், அவரை சிறையில் அடைத்தனர். அவருக்கு 18 மாதம் தண்டனை விதித்துள்ளது நீதிமன்றம்.

HOT NEWS